आरसेटीचे 10 दिवसीय कुक्कुटपालन प्रशिक्षण
भंडारा, दि. 4 : भारत सरकार, महाराष्ट्र शासन व बँक ऑफ इंडिया प्रायोजित स्टार स्वंयरोजगार प्रशिक्षण संस्था, भंडारा यांच्या मार्फत कुक्कुटपालनचे 10 दिवसीय प्रशिक्षण कार्यक्रम आयोजित करण्यात आले आहे. हे प्रशिक्षण 8 मे 2023 पासून सुरू होणार आहे.
प्रशिक्षणामध्ये पोल्ट्रीची व्याप्ती आणि महत्व, मागील अंगणातील पोल्ट्री, व्यावसायिक पोल्ट्री, दुहेरी उद्देश, पोल्ट्री जाती, विविध जातींचे वर्णन, एका दिवसाची पिल्ले, ब्रॉयलर आणि थर, जपानी लहान पक्षी, बदके, टर्की शेती, कुक्कुटपालनाच्या विविध प्रणाली, अंडी उत्पादनासाठी स्तर (एका दिवसाची पिल्ले, 20 व्या आठवड्यापासून संगोपन), टेबल हेतूसाठी ब्रॉयलर आणि पिल्ले उत्पादनासाठी हॅचरी, संगोपन प्रकार/ प्रणाली, खोल कचरा प्रणाली आणि पिंजरा प्रणाली, बहुस्तरीय पिंजरा प्रणाली, पायाभूत सुविधांची आवश्यक्ता, शेडचे प्रकार आणि त्याचे बांधकाम, पर्यावरण नियंत्रित शेड, शेड निर्जंतुक करणे, शेड वेगळे करणे, पोल्ट्री उपकरणे, त्याचा वापर आणि देखभाल, पक्ष्यांची ओळख आणि बदली, संगोपनाच्या व्यवस्थापन पद्धती, कळपाचे वेळापत्रक समजून घेणे, पक्ष्यांचे खाद्य, खाद्यांचे प्रकार, खाद्य तयार करणे, कर्ज विषयक मार्गदर्शन, उद्योजकीय कौशल्य, व्यक्तिमत्व विकास, प्रकल्प अहवाल, व्यवसायाची संधी, बाजार सर्वेक्षण, बँकेच्या योजना याबद्दल मार्गदर्शन दिले जाईल. प्रशिक्षण प्रवेशाकरीता आयोजित मुलाखतीसाठी येतांना उमेदवारांनी शाळा सोडल्याचा दाखला, गुणपत्रिका, रेशनकार्ड, आधार कार्ड, मनरेगा कार्ड सोबत आणणे आवश्यक आहे.
प्रशिक्षणा दरम्यान प्रशिक्षणार्थ्यांना जेवन, चहा, नाश्ता, राहणे आदींची सोय मोफत केली जाईल. स्वयंरोजगाराची आवड, व्यवसाय करण्याची तयारी असणारे वय 18 ते 45 वर्ष, शिक्षण दहावी पास किंवा नापास अशा बेरोजगार पुरुष, महिलांनी मुलाखतीकरीता 8 मे रोजी सकाळी 10 वाजता बि. ओ. आई. स्टार स्वयंरोजगार प्रशिक्षण संस्था, लालबहादुर शास्त्री (मनरो) शाळेच्या बाजूला, शास्त्री चौक, भंडारा येथे उपस्थित राहण्याचे आवाहन संस्थेचे निर्देशक मिलींद इंगळे यांनी केले आहे. अधिक माहितीसाठी 9511875908, 8669028433, 9766522984 व 8421474839 या भ्रमणध्वनी क्रमांकावर संपर्क साधावा.
